जेजुरी, ता. १२ : उच्च तंत्रशिक्षण मंत्री चंद्रकांत पाटील यांच्या वाढदिवसानिमित्त जेजुरी शहरातील भाजपच्या प्रमुख कार्यकर्त्यांनी गडावर अभिषेक, तळीभंडार आणि अन्नदान कार्यक्रमाचे आयोजन केले होते.
वाढदिवसानिमित्त खंडोबा गडावर कार्यकर्त्यांनी अभिषेक करून भंडारा उधळला. तसेच जेजुरी गडावर कार्यकर्त्यांच्यावतीने अन्नदान करण्यात आले. गडावरील भाविकांनी त्याचा लाभ घेतला. यावेळी भाजप पुणे जिल्हाध्यक्ष भटक्या विमुक्त आघाडी रवींद्र खोमणे, माजी जेजुरी शहराध्यक्ष गणेश भोसले, कामगार आघाडी अध्यक्ष सचिन कापडे, सोमनाथ मदने, सागर खोमणे, नितीन जाधव, सचिन मोरे, कल्पेश सूर्यवंशी, आणि कार्यकर्ते उपस्थित होते. कार्यक्रमाचे नियोजन माजी शहर अध्यक्ष गणेश भोसले यांनी केले.