जुन्नर, ता. २ : महसूल विभागाच्या वतीने ऐतिहासिक किल्ले शिवनेरीवर महाराष्ट्र दिनी ध्वजवंदन करण्यात आले. यावेळी मंडलाधिकारी व्ही. एम. भोसले, कोतवाल श्याम वाव्हळ, सार्वजनिक बांधकाम विभागाचे कर्मचारी घोगरे, जयसिंग महाबरे व पर्यटक उपस्थित होते.
तहसील कार्यालयाच्या आवारात ध्वजवंदनाचा मुख्य कार्यक्रम आमदार अतुल बेनके यांच्या उपस्थितीत पार पडला. यावेळी तहसीलदार रवींद्र सबनीस, नायब तहसीलदार सचिन मुंढे, पोलिस अधिकारी, शासकीय कर्मचारी व नागरिक उपस्थित होते. शासकीय निमशासकीय कार्यालये, शाळा महाविद्यालयात ध्वजवंदन करण्यात आले.
जुन्नर नगर परिषदेच्या कार्यक्षेत्रातील आपला दवाखाना आरोग्य सेवेचे मुख्यमंत्री एकनाथ शिंदे यांच्या हस्ते ऑनलाइन प्रणालीद्वारे उद्‍घाटन करण्यात आले. यावेळी आमदार अतुल बेनके, माजी आमदार शरद सोनवणे, माजी नगराध्यक्ष श्याम पांडे, सहायक गटविकास अधिकारी हेमंत गरिबे, तालुका आरोग्य अधिकारी वर्षा गुंजाळ, मुख्याधिकारी मंगेश देवरे, माजी नगरसेवक व नागरिक उपस्थित होते.