जुन्नर, ता. १० : जुन्नर तालुक्यातील पिंपरी पेंढार, पिंपळवंडी, काळवाडी परिसरातील बिबटे पकडण्यासाठी जुन्नर वनविभागाकडून परिसरात ३० पिंजरे व २० ट्रॅप कॅमेरे लावण्यात आले असून, ड्रोन कॅमेऱ्याद्वारे बिबट्याचा मागोवा घेण्यात येत असल्याचे उपवनसंरक्षक अमोल सातपुते यांनी सांगितले. तसेच, या परिसरात ५० वनकर्मचारी पायी गस्त घालत असून, जनतेमध्ये जनजागृती करत आहेत.

वन विभागाचे आवाहन
- नागरिकांनी शेतात काम करताना एकट्याने न जाता समुहाने जावे.
- काम करत असताना आवाज करावा, तसेच सावधानता बाळगावी.
- बिबट्याचा वावर असलेल्या क्षेत्रामध्ये दक्षता घ्यावी.
- अधूनमधून फटाके फोडून आवाज करावा.
- शेतशिवारात असलेल्या घरांच्या अनुषंगाने लहान मुलांना/वृद्धांना घराच्याबाहेर एकटे सोडू नये.
- घराबाहेर उघड्यावर झोपू नये.