जुन्नर, ता.११ : जुन्नर तालुक्यातील द्राक्ष बागांना डाऊनी, भुरी व करप्याचा मोठ्या प्रमाणात प्रादुर्भाव झाला आहे. यामुळे तालुक्यातील द्राक्ष उत्पादक शेतकरी चिंतेत पडला असल्याचे महाराष्ट्र राज्य द्राक्ष बागायतदार संघाचे पुणे विभागाचे संचालक कृषिभूषण जितेंद्र बिडवई यांनी सांगितले.
तालुक्यात सतत होत असलेला पाऊस, ढगाळ हवामान व आद्रता यामुळे यंदा काडी पक्वतेवरही होणार परिणाम होणार आहे. रोगांचा प्रादुर्भाव व द्राक्ष काडी पक्वतेसाठी येणारी अडचण यामुळे द्राक्ष उत्पादक संकटात सापडले आहेत.
मालकाडी पक्वतेचा काळ आहे मात्र याच काळात सततचा पाऊस ढगाळ हवामान यामुळे काडी पक्वतेसाठी अडचणी निर्माण झाल्या आहेत. रोगांचा प्रादुर्भाव टाळण्यासाठी सततच्या पावसामुळे फवारण्या करणे देखील शेतकऱ्यांना जिकिरीचे होत आहे. अशा स्थितीत पावसाची उघडीप मिळेल तसे फवारणीचे नियोजन करून द्राक्ष उत्पादक शेतकऱ्यांनी रोगांवर नियंत्रण ठेवणे गरजेचे आहे असल्याचे बिडवई यांनी सांगितले.

08768