जुन्नर, ता.१३ : आगामी गाळप हंगामासाठी मशिनरी देखभाल व दुरुस्तीची कामे प्रगतिपथावर आहे. ऑक्टोबर महिन्यात कारखाना गाळपासाठी सज्ज होईल. सहवीजनिर्मिती व डिस्टिलरी प्रकल्पांची कामे वेगात सुरू आहेत, अशी माहिती अध्यक्ष सत्यशील शेरकर यांनी दिली.
श्री विघ्नहर सहकारी साखर कारखान्याच्या गाळप हंगाम २५-२६ साठीचे मिल रोलरचे पूजन शनिवारी (ता.१२) सर्व संचालकांच्या उपस्थितीत उत्साहात पार पडले, अशी माहिती अध्यक्ष सत्यशील शेरकर यांनी सांगितले. यावेळी शेरकर म्हणाले की, यंदा ऊस आडसाली ऊस लागवडीकडे शेतकरी वर्गाचा मोठा कल आहे. ऊस उत्पादक शेतकऱ्यांना बेणे पुरविण्याची प्रक्रिया सुरू आहे. कारखान्याची दैनंदिन गाळप क्षमता पाच हजार मेट्रीक टनांवरून ७,५००टन झाल्याने प्रतिदिन ८५०० ते ९००० टन उसाचे गाळप होणार आहे. आडसाली बरोबर पूर्वहंगामी व सुरु उसाची लागवड मोठ्या प्रमाणात करावी त्यामुळे ऊस तोडणीचे नियोजन योग्यप्रकारे करता येईल.
दरम्यान, आगामी ऊस गाळप हंगामात कारखान्याचे सुमारे तेरा लाख टनापेक्षा अधिक गाळपाचे उद्दिष्ट असून, ऊस तोडणी वाहतूक कामगार यांचेशी करार करण्यात येत आहेत. कारखान्याचा ६५ केएलपीडी क्षमतेचा डिस्टीलरी प्रकल्प पूर्ण क्षमतेने चालविला जाणार आहे, असे शेरकर यांनी स्पष्ट केले.
याप्रसंगी अध्यक्ष शेरकर, उपाध्यक्ष अशोक घोलप, संचालक, कार्यकारी संचालक भास्कर घुले,अधिकारी व कर्मचारी उपस्थित होते.
08778
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.