जुन्नर, ता.२५ : आपला भाऊ फाउंडेशनचे संस्थापक अध्यक्ष अजिंक्य घोलप यांच्या माध्यमातून चारशे शालेय विद्यार्थ्यांना शैक्षणिक साहित्याचे वाटप व वृक्षारोपण करण्यात आले.
जुन्नर तालुक्याचे माजी आमदार अतुल बेनके यांच्या वाढदिवसाच्या निमित्ताने उपक्रमाचे आयोजन केले असे अजिंक्य घोलप यांनी सांगितले. पिंपळगाव सिद्धनाथ येथील हनुमानवाडी, विठ्ठलवाडी तसेच खामगाव येथील जिल्हा परिषद शाळेतील विद्यार्थ्यांना शैक्षणिक साहित्याचे वाटप करण्यात आले. मानव लोक संस्था व खामगाव ग्रामपंचायतीच्या माध्यमातून वनमहोत्सव साजरा करण्यात आला. शालेय परिसरात वृक्षारोपण करण्यात आले.
याच बरोबर आदिवासी भागातील शाळांमधून माजी आमदार बेनके व जिल्हा दूध संघाचे माजी उपाध्यक्ष भाऊसाहेब देवाडे यांच्या मार्गदर्शनाखाली शैक्षणिक उपक्रम,स्वच्छता व वृक्षारोपण मोहीम राबविण्यात येत आहे. तसेच परिसरातील रुग्णांना वैद्यकीय मदत व विद्यार्थ्यांना शैक्षणिक मदत करण्यात येत असल्याचे अजिंक्य व निलम घोलप यांनी सांगितले.
याप्रसंगी स्थानिक ग्रामपंचायतीचे पदाधिकारी शालेय व्यवस्थापन समितीचे पदाधिकारी ग्रामस्थ व आमदार अतुलशेठ बेनके युवा मंच पदाधिकारी उपस्थित होते.

08860