जुन्नर, ता. ३० : येथील जगदंबा प्रतिष्ठानच्या वतीने आयोजित केलेल्या रक्तदान शिबिरात १४४ रक्तदात्यांनी रक्तदान केले. जुन्नर पोलिस व न्यायालयीन कर्मचारी, तसेच गणेश मंडळाच्या कार्यकर्त्यांनी रक्तदान करून सहभाग घेतला. प्रतिष्ठानच्या वतीने मान्यवरांचा रोप देऊन सत्कार केला. शिबिराचे उद्‍घाटन जितेंद्र बिडवई, रमेश खरमाळे, भरत बोचरे, मनीष बुट्टे, संजय गोसावी, विद्याधर पानसरे, विक्रम परदेशी, अनिल रोकडे, वैभव परदेशी पूजा बुट्टे पाटील, चंद्रशेखर जोशी, श्रीकांत जाधव, गणेश महाबरे, प्रसाद शिंगोटे, गणेश इंगवले यांच्या उपस्थितीत करण्यात आले. प्रतिष्ठानच्या माध्यमातून या पुढील काळात सामाजिक, धार्मिक, सांस्कृतिक, आरोग्य विषयक उपक्रम राबवण्यात येणार असल्याचे अध्यक्ष विनायक गोसावी यांनी सांगितले. उपस्थित मान्यवरांचे सौरभ वर्पे व अभिषेक शिंदे यांनी स्वागत केले. यावेळी प्रतिष्ठानच्या कार्यकर्त्यांचे सहकार्य लाभले.