जुन्नर, ता. १० : ऑनलाइन चक्री जुगार चालविणाऱ्या दोघांविरुद्ध जुन्नर पोलिसांनी महाराष्ट्र जुगार प्रतिबंधक कायद्यान्वये गुन्हा दाखल केला. अशी माहिती पोलीस निरीक्षक किरण अवचर यांनी दिली.
संदीप प्रकाश गायकवाड (रा. कल्याण पेठ, जुन्नर) व मयूर रमेश ढोले (रा. येणेरे, ता.जुन्नर) अशी आरोपींची नावे असून त्याच्याकडून रोख रकमेसह १३ हजार ७२० रुपयांचे जुगाराचे साहित्य जप्त केले. पोलिस अंमलदार अजय इंगोले यांनी दिलेल्या फिर्यादीनुसार जुन्नर-ओतूर रस्त्यावरील पांगरीमाथा येथे रस्त्याच्या कडेला असलेल्या पत्र्याच्या शेडमध्ये शुक्रवारी (ता.०८) रात्री आरोपी ऑनलाइन चक्री जुगार चालवत असताना आढळून आले. त्यांच्याकडील जुगारासाठी वापरत असलेले सीपीयू,मॉनिटर व रोख रक्कम जप्त केला.