जुन्नर, ता. १६ : आदर्शगाव खामगाव (ता. जुन्नर) येथे एकल महिला व दिव्यांग नागरिकांच्या उपस्थितीत विविध संस्थांचे ध्वजवंदन केल्याची माहिती सरपंच निलम घोलप यांनी दिली. एकल महिलांच्या प्रति समाजातील अनिष्ट बंद करून गावच्या सामाजिक व धार्मिक कार्यक्रमात सहभाग वाढवा, यासाठी हा उपक्रम राबविला असल्याचे घोलप यांनी सांगितले.
यावेळी ग्रामपंचायत, न्यू इंग्लिश स्कूल, पशुवैद्यकीय दवाखाना, आरोग्य उपकेंद्र तसेच गाव व वाड्या वस्त्यांवरील सर्व अंगणवाडी आणि जिल्हा परिषद प्राथमिक शाळांतून ध्वजवंदन करण्यात आले. या उपक्रमाचे ग्रामस्थांनी कौतुक केले.