खळद, ता. ३१ : खळद (ता. पुरंदर) येथील विविध कार्यकारी सेवा सहकारी सोसायटीच्या अध्यक्षपदी ज्ञानेश्वर कामथे, उपाध्यक्षपदी भगवान कांबळे, तर तज्ञ संचालक सोपान कामथे व विलास रासकर यांची बिनविरोध निवड करण्यात आली. अध्यक्ष विकास कामथे व उपाध्यक्ष रवींद्र फुले यांनी आपल्या पदाचा राजीनामा दिल्याने रिक्त झालेल्या जागेवर ही निवड प्रक्रिया राबविण्यात आली.
निवडणूक निर्णय अधिकारी तथा पुरंदरचे सहाय्यक सहकारी अधिकारी ए. एस. बागवान तर, सचिव संतोष राऊत यांनी सहाय्यक निवडणूक निर्णय अधिकारी म्हणून सहकार्य केले. यावेळी माजी अध्यक्ष विकास कामथे, चंद्रकांत कामथे, विलास कामथे, संचालक रवींद्र फुले, महेंद्र रासकर, संजय कामथे, राजाराम चव्हाण, खरेदी विक्री संघाचे संचालक देविदास कामथे, बहुजन हक्क परिषदेचे अध्यक्ष सुनील धिवार, सरपंच संदीप यादव, जितीन कांबळे, दशरथ कादबाने, नंदकुमार कामथे, अमोल कामथे, रवींद्र फुले, सुहास पोमण, शरद टिळेकर, भाऊसाहेब कामथे, तुषार झुरंगे, महादेव कांबळे आदी उपस्थित होते.