कडूस, ता. २७ ः कडूस (ता. खेड) गावच्या विक्रम बंदावणे व मयूर डांगले यांची भारतीय सैन्यदलात निवड झाल्याबद्दल ग्रामस्थांनी मिरवणूक काढून त्यांचा जाहीर सत्कार केला. हे यश संपादन करण्यासाठी दोघांनी तीन वर्षे सातत्याने मेहनत घेतली. राजगुरूनगर येथे महाविद्यालयीन शिक्षणासोबत सैन्य दलात भरतीसाठी त्यांनी प्रयत्न केले. येथील क्रीडा संकुलाच्या मैदानावर कसून सराव केला अन् एकाच वेळी यश मिळवले. या यशाबद्दल ग्रामस्थांनी दोघांचीही वाजतगाजत मिरवणूक काढून जाहीर सत्कार केला. यावेळी नातेवाईक, कुटुंबातील सदस्य व ग्रामस्थ उपस्थित होते.