पळसदेव, ता. २ ः पळसदेव (ता. इंदापूर) येथील पळसनाथ विद्यालयातील सायकलपटू खेळाडू ओंकार गांधले याची शालेय राज्यस्तरीय सायकलिंग स्पर्धेसाठी निवड झाल्याची माहिती विद्यालयाचे प्राचार्य विकास पाठक यांनी दिली. क्रीडा व युवक सेवा संचालनालय, जिल्हा क्रीडा अधिकारी कार्यालय व क्रीडा परिषद अहिल्यानगर यांच्यावतीने आयोजित शालेय विभागीय सायकलिंग स्पर्धा नुकत्याच पार पडल्या.
या स्पर्धेत पळसनाथ विद्यालयाच्या ओंकार या सायकलपटूने १९ वर्षीय ज्युनिअर गटातून रोड रेस (मास स्टार्ट) स्पर्धेत प्रथम क्रमांक मिळविला. यामुळे त्याची राज्यस्तरीय शालेय सायकलींग स्पर्धेसाठी निवड झाली. मार्गदर्शक शिक्षक व सायकलपटू ओंकार याचे पळसनाथ शिक्षण प्रसारक मंडळाचे अध्यक्ष भूषण काळे, सचिव योगिराज काळे, विद्यालयाचे प्राचार्य विकास पाठक, पर्यवेक्षक संजय जाधव आदींनी अभिनंदन केले आहे.