पुणे जिल्ह्यातील पुणे-सोलापूर महामार्गाच्या लगत असलेल्या पाटस (ता. दौंड) येथील ढमाले वस्तीत श्री स्वामी समर्थ महाराजांच्या अनुभूतीतून २४ वर्षांपूर्वी श्री स्वामी समर्थ मंदिराची स्थापना गुरुवर्य श्री तात्या महाराज ढमाले यांनी केली.
मंदिराचा परिसर अत्यंत प्रसन्न असून स्वच्छता व निसर्ग सौंदर्याने भरलेला आहे. मंदिरात दर गुरुवारी भजन, आरती व महाप्रसादाचे आयोजन केले जाते. गुरुवारी भाविकांची दर्शनसाठी मोठ्या संख्येने गर्दी असते.
दरवर्षी स्वामी समर्थ प्रकट दिन, पुण्यतिथी व गुरुपौर्णिमा हे उत्सव मोठ्या उत्साहात साजरे केले जातात. मंदिरात महाराष्ट्र व परराज्यातील भाविक दर्शनास येतात. हे मंदिर भाविकांचे श्रद्धास्थान बनलेले आहे.
सौजन्य ः मनोज वसंतराव फरतडे