केसनंद, ता. १९ : हिंदवी स्वराज्याचे संस्थापक धर्मवीर छत्रपती शिवाजी महाराज यांच्या जयंतीनिमित्त आज दिवसभर श्रीक्षेत्र वढु-तुळापुरासह अहिल्यानगर रस्ता शिवज्याेत, मिरवणुकांनी गजबजून गेला होता.
शिवजयंतीनिमित्त आज सकाळपासूनच श्रीक्षेत्र वढु-तुळापुरात छत्रपती संभाजी महाराज समाधी स्थळी विविध ठिकाणाहून शक्तीज्योतीचे आगमन तसेच प्रस्थान झाले. ढोल ताशा पथकांसह ज्याेत मिरवणुका तसेच शिवशंभूराजेंच्या जयजयकाराने वढु-तुळापुर व अहिल्यानगर रस्ता परिसर दुमदुमत होता. दुचाकी आणि चार चाकी वाहनांना भगवे झेंडे बांधून भगव्या फेट्यातील शिवशंभूभक्तांच्या घोषणांनी वढु-तुळापुर परिसर दणाणून गेला. यावेळी वढू-तुळापूर ग्रामस्थांकडून शंभुभक्तांचे स्वागत करण्यात आले.