केडगाव : संत तुकाराम महाराज पालखी सोहळा परतीच्या मार्गावर आहे. दौंड तालुक्यातील चौफुला, वाखारी येथे भक्तिमय वातावरणात पालखीचे स्वागत करण्यात आले. यावेळी भाविकांनी दर्शनासाठी गर्दी केली.

पालखी सोहळा उरुळीकांचन येथे मुक्कामासाठी विसावला. वारकऱ्यांना सोमवारी (ता. १०) चौफुला-केडगाव ग्रामस्थांनी साबुदाणा वडा व मसाला दुधाचे वाटप केले. पालखीचे सकाळी साडेसहा वाजता चौफुल्यात आगमन झाले. त्यापूर्वी मयूर टेंगले यांनी फटाक्यांच्या आतषबाजीत तर पद्‍मा बारवकर यांनी रांगोळी व फुलांच्या पायघड्या घातल्या.

मंडप व्यावसायिक शंकर ढमे, वर्षा अॅटो लाइनचे प्रमुख नारायण काळे, शांताई दूध डेअरीचे प्रमुख बाळासाहेब धायगुडे यांनी चौफुला चौकात वारकऱ्यांना साबुदाणा वडा, खिचडी, मसाला दूध यांची मेजवानी दिली. शंकर ढमे यांनी आरती यांनी आरती केल्यानंतर पालखी सोहळा मार्गस्थ झाला. वाखारी येथे सार्थक हॉटेलचे मालक बाळासाहेब चव्हाण यांच्या हस्ते पालखीला अभिषेक घालण्यात आला. चव्हाण यांनी पालखीला नाश्ता दिला.