निमगाव केतकी, ता. १४ : शेळगाव (ता. इंदापूर) येथील मॉडर्न इंग्लिश स्कूल ॲंड ज्युनिअर कॉलेजच्या सुनील वाघमोडे याची १७ वर्षाखालील गटातून हातोडा फेक स्पर्धेसाठी राष्ट्रीय पातळीसाठी निवड झाल्याची माहिती प्राचार्य संदीप जाधव यांनी दिली. डेरवण चिपळूण येथे गुरुवारी (ता. १३) झालेल्या राज्यस्तरीय शालेय क्रीडा स्पर्धात सुनील याने ५८ मीटर हातोडा फेक करून राज्यात प्रथम क्रमांक मिळविला असून, त्याची राष्ट्रीय स्पर्धेसाठी निवड झाली आहे. या यशाबद्दल सुनील व त्याचे क्रीडामार्गदर्शक शंतनू उचाळे, कैलास जाधव, पृथ्वीराज नलावडे, ऋषिकेश साखरे, वैभव सोखंडे यांचे माजी आमदार यशवंत माने, विठ्ठल जाधव, भारती दुधाळ, ॲड. लक्ष्मणराव शिंगाडे, राजकुमार कोथमिरे, साहेबराव शिंगाडे, भागवत भुजबळ, सरपंच उर्मिला शिंगाडे, संस्थेचे अध्यक्ष प्राध्यापक भिमराव जाधव, तालुका क्रीडा अधिकारी महेश चावले, राहुल जाधव यांनी अभिनंदन केले.

03063