कोळवण, ता.२१ : भालगुडी (ता. मुळशी) या परिसरातील कामतवाडी येथील जिल्हा प्राथमिक शाळेला भारताच्या ७७ व्या स्वातंत्र्यदिनानिमित्त ग्रामपंचायतीने प्रिंटर भेट दिले.

शाळेत ‘‘मेरी मिट्टी मेरा देश’’ अभियान राबवून रविवार (ता. १३) ते मंगळवार (ता. १५) ऑगस्ट या तीनही दिवशी ध्वजवंदन केले. याप्रसंगी विद्यार्थ्यांची भाषणे व समूहगीते घेतली. शिक्षक परसराम झोजे यांनी शाळेत चालू असलेल्या विविध उपक्रमांची माहिती उपस्थितांना दिली.

सुनील साठे यांनी शाळेतील सर्व विद्यार्थ्यांना ओळखपत्र वाटप, उद्योजक समीर पिंपळे यांनी शाळेला एक टेबल व मुलांसाठी शैक्षणिक, सागर अशोक साठे यांनी शाळेला डिजिटल वजन काटा, तसेच सागर गोविंद साठे यांनी शाळेला तीन खुर्च्या भेट दिल्या. त्यानंतर निपुण भारत अंतर्गत प्रिया साठे व जिजा साठे या लीडर मातांचा सन्मान केला.

यावेळी सरपंच रामदास झुकाजी साठे, उपसरपंच वनिता साठे, ग्रामपंचायत सदस्य संतोष साठे, स्नेहल साठे, लक्ष्मी साठे, तंटामुक्ती अध्यक्ष रामदास किसन साठे, पोलिस पाटील अनंता साठे, ग्रामसेवक गजानन जाधव, शाळा व्यवस्थापन अध्यक्ष कैलास साठे, अशोक साठे, अंकुश साठे, राजेंद्र साठे, सहादू साठे, अंकुश साठे, सोमनाथ महाराज साठे, राम साठे, निवृत्ती केंडे, लहू साठे, राम साठे, संदीप साठे, शंकर साठे, बाळू साठे, संजय साठे, सदाशिव साठे आदी उपस्थित होते. पदवीधर शिक्षक परसराम झोजे यांनी सूत्रसंचालन, मुख्याध्यापिका श्रीमती उषा दाभाडे यांनी आभार मानले.