कोळवण, ता. १३ ः भारतरत्न डॉ. बाबासाहेब आंबेडकर यांच्या १३४व्या जयंतीनिमित्त डोंगरगाव (ता. मुळशी) येथे सोमवारी (ता. १४) विविध कार्यक्रमांचे आयोजन करण्यात आले आहे. सकाळी १० वाजता ध्वजारोहण, पुजापठण, सायंकाळी महात्मा जोतीराव फुले व डॉ. बाबासाहेब आंबेडकर यांच्या प्रतिमेची सजविलेल्या रथातून सवाद्य मिरवणूक काढण्यात येणार आहे. त्यानंतर जाहीर सभा, भोजन आणि राहुल मोरे प्रस्तुत ‘महाराष्ट्राची लोकधारा’ हा मनोरंजनाचा कार्यक्रम होणार आहेत. शिल्पकार तरुण मंडळ समतानगर, डोंगरगाव यांनी या कार्यक्रमाचे आयोजन केले आहे. परिसरातील नागरिकांनी या कार्यक्रमांना उपस्थित रहावे, असे आवाहन करण्यात आले आहे.