कोळवण, ता. ८ : मुळशी तालुक्यातील वाघजाई विविध कार्यकारी सेवा सहकारी सोसायटीच्या चिखलगाव, नांदगाव, साठेसाई या तीन गावांतील ६२१ इतकी सभासद संख्या असणाऱ्या वाघजाई विविध कार्यकारी सेवा सहकारी सोसायटीच्या अध्यक्षपदाची निवडणूक पार पडली. अध्यक्षपदासाठी साठेसाई येथील संचालक मारुती साठे, तर उपाध्यक्षपदासाठी चिखलगाव येथील संचालक अंजली फाले यांचा एकमेव अर्ज आला.
त्यामुळे त्यांची बिनविरोध निवड झाल्याचे निवडणूक निर्णय अधिकारी एस. एस. वारघडे यांनी जाहीर केले. मावळते अध्यक्ष दामू फाले व उपाध्यक्ष जिजाबाई फाले यांनी राजीनामा दिल्यानंतर ही निवडणूक शुक्रवारी (ता. ५) पार पडली. या वेळी संस्थेचे माजी अध्यक्ष किसन फाले, संस्थेचे संचालक लहू फाले, भाऊ फाले, संतोष फाले, प्रकाश फाले, जिजाबाई फाले, सोमाजी फाले, गणपत साठे, संस्थेचे सचिव सहादू साठे, सहसचिव तुषार धिडे उपस्थित होते.
सुनील चांदेरे, बबन साठे, ज्ञानेश्वर डफळ, राजू फाले, भगवान लवार्डे, पांडुरंग दुर्गे, अंकुश साठे, प्रवीण साठे, शिवाजी साठे, दिलीप खिलारी, शंकर खिलारी, केशव साठे, मारुती साठे, वाघू साठे, सोपान साठे, वसंत साठे, लहू साठे, जगन्नाथ खिलारी, तुकाराम साठे, बळिराम खिलारी, बाळू खिलारी, ज्योत्स्ना साठे, रामदास साठे, मिथुन खिलारी, नवनाथ यादव, प्रकाश सावंत, नामदेव साठे, लक्ष्मण साठे, पांडुरंग साठे, रमेश साठे, बबन पटेकर, मोहन सोनवणे, महिंद्रा सोनवणे, राहुल सोनवणे, आकाश सरोदे, तेजस सोनवणे यांनी नवनियुक्त अध्यक्ष आणि उपाध्यक्ष यांना शुभेच्छा दिल्या.