कोळवण, ता. २१ ः चिखलगाव (ता. मुळशी) येथे धर्मवीर प्रतिष्ठान, मुळशी व चिखलगाव ग्रामस्थांच्या वतीने गुरुवारी (ता. १९) श्रीराम मंदिर प्रांगणात छत्रपती शिवाजी महाराज जयंती साजरी करण्यात आली.
सकाळी किल्ले लोहगड येथून शिवज्योत आगमन झाले. सायंकाळी चार वाजता छत्रपती शिवाजी महाराज यांची मृदंग ताल साधना वारकरी गुरुकुलातील विद्यार्थ्यांसोबत पारंपरिक टाळ मृदंगाच्या गजरात पालखी मिरवणूक काढण्यात आली. पाच वाजता खेळ पैठणीचा सन्मान महिलांचा कार्यक्रम झाला. या कार्यक्रमास महिलांचा उत्स्फूर्त सहभाग लाभला. हरिपाठ व त्यानंतर सात वाजता राजेंद्र महाराज येप्रे यांची कीर्तन सेवा पार पडली. खेळ पैठणीच्या कार्यक्रमातील विजेत्या महिलांना बक्षीस वितरण करण्यात आले. त्यानंतर सर्वांना महाप्रसाद भोजनाचा देण्यात आले.