कोळवण, ता. ३१ ः नाणेगाव (ता. मुळशी) येथील भैरवनाथ मंदिर प्रांगणात श्री भैरवनाथ, विठ्ठल रुक्मिणी व हनुमान उत्सवानिमित्त अखंड हरिनाम सप्ताहाचे आयोजन मंगळवार (ता. ३१) मार्च ते शुक्रवार (ता. ३) एप्रिलपर्यंत करण्यात आले आहे.
सप्ताहात पहाटे काकड आरती, ज्ञानेश्वरी पारायण, प्रवचन, हरिपाठ, कीर्तन, महाप्रसाद व हरिजागर आदी कार्यक्रम होणार आहेत. मंगळवारी (ता. ३१) श्रीकांत महाराज पातकर, बुधवारी (ता. १) राजेंद्र महाराज येप्रे, गुरुवारी (ता. २) ज्ञानेश्वर महाराज वाबळे, शुक्रवारी (ता. ३) बाळकृष्ण महाराज गोगावले यांच्या काल्याच्या कीर्तनाने सप्ताहाची सांगता होणार आहे. सायंकाळी ग्रामदैवत श्री भैरवनाथ पालखी मिरवणूक रात्री अकरा नंतर भैरवनाथ मुळशी मावळ तालुका वारकरी संप्रदाय यांचे भजन होणार आहे.