शिक्रापूर, ता. २८ : केंदूर-महादेववाडी (ता. शिरूर) येथील प्रगतशील शेतकरी तसेच बैलगाडा व्यापारी काळूराम बबन साकोरे (वय ६५) यांचा विषारी नागाने दंश केल्याने मृत्यू झाला.
याबाबत शिक्रापूर पोलिसांनी दिलेल्या माहितीनुसार, साकोरे हे सोमवारी (ता.२८) सकाळी नऊच्या सुमारास जनावरांसाठी चारा कापण्यासाठी शेतात गेले होते. चारा कापत असताना त्यांच्या पायाच्या पोटरीला विषारी नागाने दंश केला. दंशाबाबत घरी पोहोचून कुटुंबीयांना घटनेची माहिती देत असतानाच ते बेशुद्ध पडले. त्यांना तातडीने उपचारासाठी हलवण्यात आले. मात्र रुग्णालयात पोहोचण्यापूर्वीच त्यांचा मृत्यू झाला. त्यांच्या मनमिळाऊ आणि विनोदी स्वभावामुळे केंदूर, पाबळ, शिक्रापूर आणि करंदी परिसरात त्यांचा मोठा जनसंपर्क होता.
05359