कुरुळी, ता. ४ : उत्तर महाळुंगे एमआयडीसी पोलिस ठाण्याचे सहाय्यक पोलिस उपनिरीक्षक राजेंद्र कोणकेरी यांना पोलिस सेवेतील उल्लेखनीय कामगिरीबद्दल ‘पोलिस महासंचालक पदक’ देऊन गौरवण्यात आले. पिंपरी- चिंचवड पोलिस आयुक्तांच्या हस्ते त्यांना हा सन्मान प्रदान करण्यात आला. कोणकेरी यांनी आपल्या कारकिर्दीत ६९ आरोपींवर मकोका, २७ आरोपींना तडीपार आणि ५ आरोपींवर एमपीडीए अंतर्गत कारवाई केली आहे. तसेच, खुनाच्या १२ आरोपींना जन्मठेप, बलात्काराच्या दोन आरोपींना १० वर्षे शिक्षा मिळवून देण्यात त्यांनी महत्त्वाची भूमिका बजावली. दोन खून आणि पाच घरफोडीचे गुन्हे उघड करून आरोपींना जेरबंद केल्याबद्दल वरिष्ठ पोलिस निरीक्षक दिगंबर सूर्यवंशी, विजय ढमाळ आणि सहकाऱ्यांनी त्यांचे अभिनंदन केले.

02428