काटेवाडी, ता. २८ : राष्ट्रीय अन्नसुरक्षा आणि पोषण अभियान तूर, मूग, उडीद, मका, बाजरी व राष्ट्रीय खाद्यतेल अभियान अंतर्गत -सोयाबीन, सूर्यफूल, भुईमूग पिकांच्या अनुदानावरील बियाणे व पीक प्रात्यक्षिकासाठी अर्ज करण्यासाठी गुरुवार (ता.२९) शेवटचा दिवस आहे. तरी जास्तीत जास्त शेतकऱ्यांनी महाडीबीटीवर ऑनलाइन अर्ज अर्ज करावे, असे आवाहन कृषी विभागाने केले आहे.

राष्ट्रीय अन्न सुरक्षा आणि पोषण अभियान व राष्ट्रीय खाद्यतेल अभियान अंतर्गत पिकांच्या उत्पादकता वाढीसाठी व बियाणे बदलाचे महत्त्व विचारात घेता सुधारित/संकरित वाणांचे प्रसाराच्या दृष्टीने प्रमाणित बियाणे वितरण व पीक प्रात्यक्षिकाचा कार्यक्रम राबविण्यात येत आहे. प्रमाणित बियाणे वितरण या घटकांतर्गत आर्थिक सहाय्य प्रतिशेतकरी किमान ०.२० हे ते कमाल एक हेक्टरपर्यंत मर्यादित आहे. पीक प्रात्यक्षिक अंतर्गत शेतकरी गट हा ३१ मार्च २०२४ पूर्वी नोंदणीकृत असावा. अनुदानित बियाणांसाठी शेतकऱ्यांना महाडीबीटी पोर्टलवर ऑनलाइन अर्ज भरावा लागणार आहे.शासनाकडून शेतकऱ्यांसाठी विविध उपयोगी योजना राबविल्या जातात, योजनेमधून शेतकऱ्यांना अनुदान दिले जाते. आता शेतकऱ्यांसाठी अनुदानामध्ये बियाणे दिली जाणार आहेत, यासाठी शेतकऱ्यांना ऑनलाइन अर्ज भरावा लागणार आहे. अर्ज भरण्यासाठी शासनाने महाडीबीटी पोर्टल वरती अर्ज भरण्याची सुविधा उपलब्ध करून दिली आहे. यामध्ये शेतकऱ्यांना सोयाबीन, तूर, मुग, उडीद, मका, बाजरी, भात आदी बियाणे उपलब्ध आहेत.बियाणे अनुदान योजना अर्ज करण्याची अंतिम मुदत २९ मे २०२५ असणार आहे. व बियाणे अनुदान योजनेची सोडत १ ते ३ जून २०२५ या दरम्यान होईल. महाडीबीटी पोर्टल वर ऑनलाइन पद्धतीने सादर केलेले अर्ज हे प्रथम येणाऱ्यास प्रथम प्राधान्य या पद्धतीने बियाणे सोडत साठी ग्राह्य धरले जातील, तसेच निवड झालेल्या लाभार्थ्यांना त्यांच्या नोंदणीकृत असलेल्या मोबाईल नंबर वरती निवडीचा संदेश दिला जाईल. आणि निवड झालेल्या लाभार्थींनाच अनुदानित बियाणे उपलब्ध करून देण्यात येणार आहे. योजनेचा लाभ घेण्यासाठी शेतकऱ्यांनी विहित कालावधी अर्ज करणे आवश्यक आहे.