काटेवाडी, ता. ३१ : आयएसएसई अर्थात भारतीय संरचनात्मक अभियंता संघटनेच्या बारामती विभाग केंद्राची २०२५-२६ साठी नवीन कार्यकारिणी जाहीर करण्यात आली आहे. संघटनेची वार्षिक सर्वसाधारण सभा शुक्रवारी (ता. ३०) बारामती येथे पार पडली.
या कार्यकारिणीने संघटनेच्या उद्दिष्टांची पूर्तता करण्यासाठी विविध उपक्रम राबवण्याचा निर्धार केला आहे. यामध्ये स्थापत्य अभियंत्यांसाठी कार्यशाळा, सेमिनार्स, तांत्रिक सत्रांचे आयोजन, तसेच विद्यार्थ्यांसाठी मार्गदर्शन कार्यक्रमांचा समावेश आहे. विशेषतः संरचनात्मक अभियंत्यांसाठी व्यावसायिक संधी, तांत्रिक मार्गदर्शन व उद्योग क्षेत्राशी जोडणारे उपक्रम राबविण्यावर भर दिला जाणार आहे.
नवीन कार्यकारिणी पुढीलप्रमाणे :
अध्यक्ष सूरज चांदगुडे, सचिव विकास निर्मल, खजिनदार प्रवीण सावंत, कार्यकारी सदस्य दिलीप यादव, शहाजी परकाळे, स्नेहल वाळके, कुंदन होले, सल्लागार गिरिधर नरुले.