पुणे

शेतकरी सन्मान पुरस्कारासाठी अर्ज करण्याचे आवाहन

CD

काटेवाडी, ता. १८ : शेती आणि संलग्न क्षेत्रात उत्कृष्ट योगदान देणाऱ्या शेतकरी आणि संस्थांचा सन्मान करण्यासाठी राज्य शासनाकडून दरवर्षी विविध पुरस्कार प्रदान केला जातात. यामध्ये डॉ. पंजाबराव देशमुख कृषिरत्न, वसंतराव नाईक कृषिभूषण, जिजामाता कृषिभूषण, वसंतराव नाईक शेतीमित्र, वसंतराव नाईक शेतीनिष्ठ शेतकरी, कृषिभूषण (सेंद्रिय शेती), उद्यानपंडित आणि युवा शेतकरी पुरस्कारांचा समावेश आहे. या शेतकरी पुरस्कारांसाठी आवश्यक त्या कागदपत्रांसह तालुका कृषी कार्यालयाशी संपर्क साधण्याचे आवाहन कृषी विभागाने केले आहे.
महाराष्ट्र हे कृषी क्षेत्रात अग्रेसर राज्य आहे. शेती, सेंद्रिय शेती, फलोत्पादन आणि इतर संलग्न क्षेत्रात उल्लेखनीय कार्य करणाऱ्या शेतकऱ्यांना आणि संस्थांना सन्मानित करण्यासाठी हे पुरस्कार सुरू केले आहेत. राज्य शासनाने यंदादेखील या पुरस्कारांसाठी अर्ज मागवले असून, शेतकऱ्यांना आपले योगदान सादर करण्याची संधी आहे. डॉ. पंजाबराव देशमुख कृषिरत्न पुरस्कार हा राज्य शासनाचा सर्वोच्च पुरस्कार असून, तो कृषी क्षेत्रातील संघटनात्मक कार्यासाठी दिला जातो. वसंतराव नाईक कृषिभूषण पुरस्कार प्रत्येक कृषी विभागातून एका शेतकऱ्याला प्रदान केला जातो. जिजामाता कृषिभूषण पुरस्कार विशेषतः महिला शेतकऱ्यांसाठी आहे, तर वसंतराव नाईक शेतीमित्र पुरस्कार शेतीला प्रोत्साहन देणाऱ्या व्यक्ती, संस्था, वृत्तपत्रे, साप्ताहिके, मासिके किंवा दूरचित्रवाहिन्यांना दिला जातो. वसंतराव नाईक शेतीनिष्ठ शेतकरी पुरस्कार सर्वसाधारण आणि आदिवासी गटातील ४० शेतकऱ्यांचा सन्मान करतो. कृषिभूषण (सेंद्रिय शेती) पुरस्कार सेंद्रिय शेतीत उत्कृष्ट कार्य करणाऱ्या शेतकऱ्यांना किंवा संस्थांना मिळतो. उद्यानपंडित पुरस्कार फलोत्पादन क्षेत्रातील शेतकऱ्यांसाठी आहे, तर युवा शेतकरी पुरस्कार १८ ते ४० वयोगटातील शेतकऱ्यांना प्रोत्साहन देतो.
कृषी विभागाने शेतकऱ्यांना या पुरस्कारांसाठी अर्ज करण्याचे आवाहन केले. अधिक माहिती आणि आवश्यक कागदपत्रांसाठी तालुका कृषी अधिकारी किंवा कृषी सहाय्यक यांच्याशी संपर्क साधावा, असेही कृषी विभागाच्या वतीने सांगण्यात आले आहे. शासनाच्या या उपक्रमामुळे शेतकऱ्यांचे योगदान समाजापुढे येण्यास मदत होईल, अशी अपेक्षा आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Prashant Kishor injured: प्रशांत किशोर यांना रॅलीदरम्यान मोठी दुखापत; पाटणामधील रूग्णालयात उपचार सुरू!

Shocking! अनेकांसोबत शारीरिक संबंध; १०० कोटी उकळले, 'ती' महिला नेमकी कोण? धक्कादायक सत्य समोर

Pahalgam attack: 'टीआरएफ'चा जागतिक दहशतवादी संघटनांच्या यादीत समावेश; भारताकडून निर्णयाचं स्वागत

Raj Thackeray Warning Nishikant Dubey: ‘’दुबे तुम मुंबई मै आजाओ.., समंदर मै डुबे डुबे कर मारेंगें...’’ ; राज ठाकरेंचा कडक पलटवार!

Sangli Poisoning : कर्जबाजारी कुटुंबाने उचलेले टोकाचे पाऊल! विषप्राशनाने सासू-सुनेचा मृत्यू, वडीलांसह मुलाची प्रकृती गंभीर

SCROLL FOR NEXT