काटेवाडी, ता. १९ : जळोची उपबाजारात शनिवारी (ता.१९) पालेभाज्यांची एकूण १५,८०० पेंड्यांची विक्रमी आवक झाली. प्रमुख पालेभाज्यांमध्ये कोथिंबीर, पालक, शेपू आणि कांदापात यांसारख्या पालेभाज्यांची बाजारात मोठी आवक होती.
इतर फळभाज्या आणि तरकारींमध्ये गाजर, आले, गोबी, शिमला मिरची आणि शेवगा शेंग यांचीही चांगली आवक दिसून आली. करडी ८०० पेंडी, तांदुळजा ५०० पेंडी, पुदीना: ६०० पेंडी मुळा ६०० पेंडी आदी पालेभाज्यांची देखील आवक झाली होती. गाजर आणि आल्याला सरासरी २५०० प्रतिक्विंटल बाजारभाव मिळाला तर शिमला मिरची आणि शेवगा शेंग यांना २५०० च्या आसपास दर मिळाले. टोमॅटो आणि भेंडी यांनाही अनुक्रमे १२०० आणि १५०० प्रतिक्विंटल सरासरी बाजारभाव मिळाला. फळांमध्ये सफरचंद आणि आंब्यांना विशेष मागणी होती. शिमला मिरची आणि शेवगा शेंग यांसारख्या तरकारींना किंचित जास्त दर मिळाले. यंदाच्या हंगामात पालेभाज्यांची मोठी आवक होत आहे.