खुटबाव, ता. १५ : पारगाव (ता. दौंड) येथे तीन शेतकऱ्यांचे सात एकर पपईचे पीक भुईसपाट झाले आहे. यामध्ये रणधीर सस्ते (३ एकर), प्रशांत जगताप (३ एकर), विकास बोत्रे (१ एकर) या तीन शेतकऱ्यांचा समावेश आहे. यामुळे शेतकऱ्यांचे २० लाख रुपयांचे नुकसान झाले आहे.
पारगाव परिसरात आठवडाभरात वादळी वाऱ्यासह ८८ मिलिमीटर पावसाची नोंद झाली. दरम्यान, नुकसानग्रस्त शेतकऱ्यांचे पपईचे पीक वर्षापूर्वी लावले होते. या वर्षापासून पपईचा हंगाम सुरू झाला होता. ऐन हंगामातच वादळी वाऱ्यासह पाऊस झाल्याने बहुतांशी झाडांची पडझड झाली आहे. शेतातील मल्चिंग पेपर फाटला आहे. पपईची फळे जागोजागी पडलेली आहेत. याशिवाय पारगाव येथील शेतकरी दत्तात्रेय ताकवणे यांच्या दोन एकर कांद्याची वखार पावसामुळे व शेतामध्ये पाणी साचल्याने १५ दिवस शेतातच होते. या वखारीतील कांद्याला पाणी लागल्याने ताकवणे यांचे दोन लाख रुपयांचे नुकसान झाले आहे.
दौंड तालुक्यामध्ये सर्वाधिक पाऊस पारगावमध्ये झाला आहे. या पावसाने फळबागा व तरकारी पिकांचे प्रचंड नुकसान झाले आहे. प्रशासनाने नुकसानीचे पंचनामे केले असून शेतकऱ्यांना लवकरात लवकर नुकसान भरपाई मिळणे गरजेचे आहे.
-विकास ताकवले, शेतकरी
02537
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.