खुटबाव, ता. १० : एकेरीवाडी (ता. दौंड) येथील अहिल्यादेवी सहकारी सोसायटीच्या अध्यक्षपदी शेतकरी कुटुंबातील सुंदरबाई टकले यांची बिनविरोध निवड झाली. माजी अध्यक्ष डी. डी. थोरात यांनी इतरांना संधी मिळावी म्हणून राजीनामा दिल्याने हे पद रिक्त झाले होते. सहकार भवन येथे झालेल्या निवडणुकीमध्ये टकले यांच्या विरोधात एकही अर्ज न आल्याने निवडणूक निर्णय अधिकारी एस. एस. शिंदे यांनी त्यांना बिनविरोध जाहीर केले. यावेळी उपाध्यक्ष सुनील आडागळे, दशरथ थोरात, मोहन टुले, प्रशांत महानवर, किसन महानवर, सुदाम टकले, नीलम टुले, रामचंद्र टुले, चंद्रकांत टुले, अंकुश टुले, तुकाराम टुले, आप्पा टकले, राजेंद्र टकले, विनय टुले, शहाजी टुले, संजय टकले, पोपट टकले, स्वप्निल महानवर, तुषार सुपनवर, सचिव राहुल डुबे आदी उपस्थित होते.