खुटबाव, ता. १० : नानगाव (ता. दौंड) येथील ग्रामस्थांनी मराठवाडा येथील पूरग्रस्त भागातील जनावरांसाठी १० टन चारा वाटप करण्यात आला.
माजी उपसरपंच संदीप पाटील खळदकर व शिवाजी दिवेकर यांनी ग्रामस्थांना याबाबत आवाहन केले होते. त्या आवाहनाला प्रतिसाद देत सरपंच शीतल शिंदे, खरेदी विक्री संघाचे माजी अध्यक्ष विश्वास भोसले, तंटामुक्ती अध्यक्ष किसन गुंड, उपाध्यक्ष सुभाष साळवे, शेखर खळदकर, शिवाजी खळदकर, ॲड. नंदकिशोर गुंड, सुनील गुंड, बाळासाहेब गुंड यांनी १० टन चारा विकत घेतला. गावामध्ये चाऱ्याने भरलेल्या टेम्पोचे पूजन केले. त्यानंतर सोनारी, बालवड व पाटसांगवी (ता. परांडा, जिल्हा धाराशिव) या गावामध्ये शेतकऱ्यांना वाटप केले. धाराशीवचे खासदार ओमराजे निंबाळकर यांनी फोन करत नानगाव येथील ग्रामस्थांचे कौतुक व आभार मानले, अशी माहिती संदीप पाटील खळदकर यांनी दिली.

03006