खुटबाव, ता. १९ : पारगाव (ता. दौंड) येथील ग्रामपंचायतीच्या उपसरपंचपदी शुभांगी सागर शिंदे यांची बिनविरोध निवड झाली. माजी उपसरपंच ज्योती चौधरी यांनी राजीनामा दिल्याने जागा रिक्त झाली होती. पारगाव ग्रामपंचायत कार्यालयात झालेल्या निवडणुकीमध्ये निर्धारित वेळेत शिंदे यांच्या विरोधात एकही अर्ज न आल्याने निवडणूक निर्णय अधिकारी मुरलीधर बडे यांनी त्यांना बिनविरोध जाहीर केले. यावेळी सरपंच सुभाष बोत्रे, सयाजी ताकवणे, बाजार समितीचे संचालक पोपटराव ताकवणे, नाना जेधे, सर्व ग्रामपंचायत सदस्य उपस्थित होते.