कुरकुंभ, ता. १८ : दौंड तालुक्यातील खडकी ग्रामपंचायतीने नव्याने उभारण्यात येणाऱ्या वसुंधरा ग्रीन बायो एनर्जी प्रायव्हेट लिमिटेड कंपनीला दिलेला न हरकत दाखला भविष्यातील प्रदूषणाचा धोका निर्माण होऊ शकतो. यामुळे तो रद्द करण्याची मागणी ग्रामस्थांनी लेखी ग्रामस्थांनी
ग्रामपंचायत व जिल्हाधिकाऱ्यांकडे केली आहे.
खडकी ग्रामपंचायतीने कंपनीला दिलेला ''ना हरकत'' दाखला रद्द करण्याची मागणी ग्रामस्थांनी लेखी निवेदनाद्वारे सोमवारी (ता. १७) ग्रामपंचायत व कंपनी व्यवस्थापनाकडे केली आहे. निवेदनामध्ये वसुंधरा ग्रीन बायो एनर्जी कंपनीमुळे भविष्यात प्रदुषणाचा ग्रामस्थ, शेती, पशुपालनावर दुष्पपरिणाम होणार असल्याने मोठ्या नुकसानीला समोरे जावे लागणार आहे. हे नुकसान टाळण्यासाठी ग्रामपंचायतीने कंपनी चालू करण्यासाठी दिलेला न हरकत दाखला विशेष ग्रामसभा बोलावून रद्द करण्याची मागणी लेखी निवेदनात केली आहे. निवेदनावर माजी पंचायत समिती सदस्य प्रकाश नवले, माजी सरपंच मंगेश शितोळे, विद्यमान ग्रामपंचायत सदस्य प्रणाल शितोळे, संजय जाधव, सचिन काळभोर, अमोल काळे, संतोष जाधव, विजय गुणवरे आदी ग्रामस्थांच्या स्वाक्षरी आहेत. या निवेदनाच्या प्रती जिल्हाधिकाऱ्यांना देण्यात आली आहे.

मका व तांदळापासून बायो गॅस निर्मिती होणार आहे. प्रक्रियेनंतर शिल्लक राहणारे धान्याचा भाग जनावरांचा चारा म्हणून वापर होणार आहे. त्यामुळे प्रदूषणाचा व नुकसानीचा प्रश्नच येणार नाही.
- विकास रासकर, कंपनीचे प्रमुख

वसुंधरा ग्रीन बायो एनर्जी प्रायव्हेट लिमिटेड कंपनीने ना हरकत दाखल्यासाठी ग्रामपंचायतीकडे अर्ज केल्यानंतर सात महिन्यानंतर ग्रामसभेच्या परवानगीने दाखला देण्यात आले
- सविता शितोळे, सरपंच, खडकी