कुरकुंभ, ता. १७ : भारतरत्न डॉ. बाबासाहेब आंबेडकर यांच्या जयंतीनिमित्त कुरकुंभ (ता. दौंड) येथे ब्लू डायमंड ग्रुपच्या वतीने मिरवणूक काढण्यात आली. या उत्सवाचे नियोजन ब्लू डायमंड ग्रुपचे अध्यक्ष वैभव सोनवणे व उपाध्यक्ष जयदीप पारधे यांच्या मार्गदर्शनाखाली करण्यात आले. मंगळवारी (ता. १४) जिल्हा परिषद शाळा, श्री फिरंगाई माता विद्यालय, समाज मंदिर व ग्रामपंचायत कार्यालय येथे प्रतिमा पूजन करून महामानवास अभिवादन करण्यात आले. यावेळी सरपंच सुनील खंडाळे, उपसरपंच संजय शितोळे, पंचायत समिती सदस्य राहुल भोसले, ग्रामपंचायत सदस्य रशीद मुलाणी यांसह मान्यवरांनी पुष्पहार अर्पण केला. बुधवारी (ता. १६) सायंकाळी निघालेल्या मुख्य मिरवणुकीत कुरकुंभ परिसरातील नागरिक मोठ्या संख्येने सहभागी झाले होते.