लोणी काळभोर, ता. २२ : लोणी काळभोर (ता. हवेली) येथील एमआयटी विश्वशांती गुरुकुल शाळेने केंद्रीय माध्यमिक शिक्षण मंडळाच्या (सीबीएसई) इयत्ता दहावीच्या परीक्षेत शंभर टक्के निकालाची परंपरा कायम राखली. यामध्ये आनंद पाध्ये (९३%) हा प्रथम, जोया पठाण (९२.२%) ही द्वितीय आणि कनिष्का सोनावणे हिने (९१.६%) तिसरा क्रमांक पटकावला. या यशाबद्दल मुख्याध्यापिका अरुणा अँथनी म्हणाल्या की, ‘‘शाळेने नेहमीच विद्यार्थ्यांच्या सर्वांगीण विकासावर भर दिला असून, यंदाचा निकाल या प्रयत्नांचे फलित आहे. विद्यार्थ्यांची मेहनत, शिक्षकांचे मार्गदर्शन आणि पालकांचा सातत्यपूर्ण पाठिंबा यांमुळेच विद्यार्थ्यांनी हे यश संपादन केले.’’ संस्थेच्या कार्यकारी संचालिका प्रा. स्वाती कराड-चाटे, एमआयटी व्हीजीएसच्या शैक्षणिक प्रमुख शीतल शर्मा, मुख्याध्यापिका, शिक्षक व शाळा व्यवस्थापनाने सर्व विद्यार्थ्यांचे अभिनंदन करीत त्यांच्या उज्ज्वल भविष्यासाठी शुभेच्छा दिल्या.