मंचर, ता. १६ : मंचर (ता. आंबेगाव) येथील तपनेश्वर मंदिराशेजारील बंद असलेल्या घराच्या दरवाजाचे कुलूप तोडून चोरट्याने कपाटातील तीन लाख रुपये किमतीचे सोन्याचे दागिने व ७२ हजार रुपये रोख रक्कम चोरून नेली. सदर घटना सोमवारी (ता. १५) सकाळी घडली.
एकूण तीन लाख ७२ हजार रुपये किमतीची चोरी चोरट्याने केली आहे. पेंटर व्यावसायिक प्रवीण काशिनाथ कळंबे (वय ५१, रा. मंचर) यांनी मंचर पोलिस ठाण्यात फिर्याद दाखल केली आहे. मंचर पोलिसांनी अज्ञात चोरट्याच्या विरोधात गुन्हा दाखल केला आहे.