मंचर, ता. १ : एकलहरे (ता. आंबेगाव) येथील शामादार बाबा डोंगरावर पर्यावरण समतोल राखण्यासाठी मंचर जैन युवक संघाच्यावतीने २५१ विविध प्रजातींची देशी वृक्ष लागवड केली. यावेळी झाले लावा, झाडे जगवा अशा घोषणा देऊन पर्यावरण जनजागृतीचा संदेश दिला.

एकलहरे ग्रामपंचायत, मंचर वनविभाग व जैन युवक संघातर्फे डोंगरावरील मोकळ्या जागेत खड्डे घेऊन वड, पिंपळ, आवळा, करंज, लिंब, शिसव, बेल आदी देशी झाडे लावली. यावेळी एकलहरे ग्रामपंचायतचे माजी उपसरपंच संतोष डोके, संदीप डोके, वनपाल शशिकांत मडके, अभिजित समदडीया, दर्शना पुनामिया, सुचिता पारेख, कोमल गांधी उपस्थित होत्या. प्रशांत भंडारी, अमित पुनमिया, पियुष पारेख, हर्षल गांधी यांनी व्यवस्था पाहिली.