मंचर, ता. ४ : आंबेगाव तालुक्यातील मंचर, निघोटवाडी, शेवाळवाडी ग्रामस्थांच्या वतीने मंचर येथील मुख्य छत्रपती शिवाजी महाराज चौकात परंपरेनुसार बुधवारी (ता. २) बैलपोळा उत्साहात साजरा केला. सजावट केलेल्या बैलांची सवाद्य मिरवणूक काढून भंडाऱ्याची उधळण केली.
कुलदैवत श्री भैरवनाथ मंदिरात तळी भंडार करून बैलपोळा महोत्सवाला सुरवात केली. शिस्तबद्ध मिरवणूक, आकर्षक बैलजोडीचे परीक्षण केल्यानंतर विजेत्या बैल मालकांना बक्षीस वितरण गोवर्धन उद्योग समूहाचे संस्थापक अध्यक्ष देवेंद्र शहा, राजाराम बाणखेले, युवराज बाणखेले, दत्ता थोरात, वरद थोरात, निघोटवाडीचे सरपंच नवनाथ निघोट, शेवाळवाडीचे सरपंच नीलेश थोरात, सुरेश निघोट, बाबाजी थोरात, प्रवीण मोरडे, लक्ष्मण थोरात यांच्या हस्ते रोख रक्कम व सन्मानचिन्ह देण्यात आले. सुहास बाणखेले, वसंतराव बाणखेले, जगदीश घिसे, सागर पाचपुते यांनी व्यवस्था पाहिली. यावेळी पशुवैद्यकीय डॉ. बाळशिराम निघोट, सीताराम लोंढे, धोंडिभाऊ शेटे यांनी परीक्षक म्हणून काम पाहिले. बाळासाहेब टेमगिरे, नवनाथ वाळुंज, स्वप्नील टेमगिरे, अरुण भोर यांनी सूत्रसंचालन केले.
विजेत्यांची नावे : प्रथम- दत्तात्रेय शंकर मोरडे व महादू त्र्यंबक लोंढे. द्वितीय- संजय विठ्ठल निघोट, राजवीर नितीन थोरात, विघ्नहर्ता प्रतिष्ठान मंचर. तृतीय- ज्ञानेश्वर सोपान निघोट, विठ्ठल मारुती पाचपुते. चतुर्थ- भिकाजी मोरडे, भानुदास बाणखेले. उत्तेजनार्थ- गणेश अनंता खानदेशे, सीताराम मथाजी लोंढे.