मंचर, ता.३० : “लांडेवाडी-शेवाळवाडी-चिंचोडी (ता.आंबेगाव) येथील ग्रामदैवत श्री भैरवनाथ महाराज यात्रा उत्सवाची जय्यत तयारी झाली आहे. सोमवार (ता.३१) ते बुधवार (ता.२ एप्रिल) या कालावधीत बैलगाडा शर्यतीसह विविध कार्यक्रमांचे आयोजन केले आहे,” अशी माहिती यात्रा समितीचे अध्यक्ष बाळासाहेब शेवाळे यांनी सांगितले.
मान्यवरांच्या हस्ते बैलगाडा बैलगाडा शर्यतीचा शुभारंभ होईल, असे महात्मा गांधी तंटामुक्त गाव समितीचे अध्यक्ष खंडेराव आढळराव पाटील यांनी सांगितले.
दरम्यान, बैलगाडा शर्यतीत प्रथम क्रमांकात येणाऱ्या बैलगाडा मालकास एक लाख रुपये, द्वितीय क्रमांकात येणाऱ्या बैलगाडा मालकास ८१ हजार रुपये, तृतीय क्रमांकात येणाऱ्या बैलगाडा मालकास ६१ हजार रुपये बक्षीसे दिले जाईल. या व्यतिरिक्त घोड्यांच्या शर्यती व बैलगाडा शर्यतीत अंतिम विजेत्यांना मोठ्या प्रमाणात बक्षिस दिले जाईल.” असे यात्रा समितीचे उपाध्यक्ष तुकाराम शेवाळे व माजी उपसरपंच जानकू पानसरे, सरपंच संगीता शेवाळे व उपसरपंच अंकुश लांडे पाटील यांनी सांगितले.