मंचर : जिल्हा परिषद प्राथमिक शाळा मोरडेवाडी (ता. आंबेगाव) येथे इयत्ता पहिलीतील नवगत विद्यार्थ्यांचे सोमवारी (ता. १६) प्रवेशप्रसंगी ढोलताशांच्या गजरात स्वागत करण्यात आले. ‘शाळेचे पहिले पाऊल’ या राज्यस्तरीय उपक्रमांतर्गत विद्यार्थ्यांचे औक्षण करून पायांचे ठसे शाळेच्या स्मृतिचिन्ह म्हणून जतन केले. हा अनोखा व भावनिक सोहळा ग्रामस्थ, पालक व मान्यवरांच्या उपस्थितीत उत्साहात पार पडला.
यावेळी सर्व नवगत विद्यार्थ्यांना मोफत पुस्तके, गणवेश, बूट व मोजे जोडीचे वाटप केले. पूर्वा वळसे पाटील यांनी विद्यार्थ्यांचे औक्षण केले.
यावेळी सहाय्यक गटविकास अधिकारी अर्चना कोल्हे, गटशिक्षणाधिकारी रूपाली तेलतुंबडेप-धोका, सुषमा शिंदे, विशाल मोरडे, मुख्याध्यापक शैलेंद्र चिखले, कांताराम मोरडे, बाबू मोरडे, शंकर मोरडे, महेश बढे उपस्थित होते.
विजय घीसे, कान्होबा डोंगरे, मिलिंद जगताप व दिलीप पोखरकर यांनी व्यवस्था पाहिली.