मंचर, ता. २७ : श्री क्षेत्र भीमाशंकरला जाण्यासाठी मंचर (ता. आंबेगाव) बसस्थानकात उभी असलेल्या मिनी बस (एमएच १२ आर. एन ४९१६) च्या गिअर बॉक्समध्ये शनिवारी (ता. २६) दुपारी अचानक ठिणग्या पडून आग लागली. प्रसंगावधान राखत चालक व एसटी कर्मचाऱ्यांनी पाण्याने आग विझविली. त्यामुळे मोठी दुर्घटना टळली.
श्रावण महिना सुरू झाल्याने भीमाशंकरकडे भाविकांची गर्दी वाढली आहे. याबाबत निरगुडसर (ता. आंबेगाव) येथील प्रवासी संघाचे रत्नाकर कोराळे म्हणाले की, ‘‘राजगुरुनगर आगारातून अतिरिक्त बसेस मागविण्यात येत असल्या तरी त्यांची तांत्रिक तपासणी झाली पाहिजे. अनेकदा रस्त्यात बसेस बंद पडतात. त्यामुळे प्रवाशांचे हाल होतात. श्रावण महिना सुरू असल्याने दुरुस्ती पथक मंचर, भीमाशंकर या दोन्ही बसस्थानकावर ठेवण्याची व्यवस्था राज्य परिवहन महामंडळाने करावी.’’