मंचर, ता. २९ : आंबेगाव तालुक्यातील एका आरोपीने नात्यातील अल्पवयीन मुलीशी अश्लील वर्तन केल्याची घटना घडली. या प्रकारामुळे मानसिक धक्का बसून पीडित मुलीने विषारी औषध घेऊन आत्महत्येचा प्रयत्न केल्याची माहिती समोर आली आहे. याप्रकरणी मंचर पोलिस ठाण्यात आरोपीविरुद्ध पॉस्को कायदा व अंतर्गत गुन्हा दाखल केला आहे. आरोपीने निर्भयाच्या भांगात कुंकू भरून, ‘तू आता माझी झालीस.’ असे म्हणत तिच्याशी अश्लील वर्तन केले. शिवीगाळ, धमकी व दमदाटी करत तिला मिठी मारून तिचे मनोबल खच्ची करणारे कृत्य केल्याचे फिर्यादीत नमूद करण्यात आले आहे.
या प्रकाराने धक्कादायक अवस्थेत असलेल्या पीडित मुलीने शेतात फवारणीसाठी ठेवलेले विषारी औषध सेवन केल्याचा प्रकार घडला. सुदैवाने तिच्यावर वेळीच उपचार करण्यात आले.