मंचर, ता. २० : ‘‘आंबेगाव-शिरूर तालुक्यातील शाळांच्या दुरुस्ती व नव्या वर्गखोल्या उभारणीसाठी चार कोटी ३० लाखांचा निधी मंजूर करण्यात आला आहे. हा निधी महाराष्ट्र राज्याचे माजी सहकारमंत्री व आमदार दिलीप वळसे पाटील यांच्या पाठपुराव्यामुळे उपलब्ध झाला आहे,’’ अशी माहिती पुणे जिल्हा परिषदेचे माजी उपाध्यक्ष विवेक वळसे पाटील यांनी दिली.
शिक्षण विभागासाठी ‘जिल्हा परिषद शाळा सक्षमीकरण व देखभाल-दुरुस्ती कार्यक्रम’ या लेखाशीर्षकाखाली २०२५-२६ च्या जिल्हा परिषद मूळ व पुरवणी अंदाजपत्रकात ही तरतूद करण्यात आली आहे. आंबेगाव तालुक्यात नवीन १७ वर्गखोल्यांसाठी प्रत्येक १४ लाख रुपये असा एकूण दोन कोटी ३८ लाख रुपये निधी उपलब्ध झाला आहे.

गावाचे नाव व नवीन वर्गखोली आकडेवारी कंसात :
वाळुंजवाडी (१), गंगेवाडी-पारगाव तर्फे खेड (१), वळती (२), अवसरी खुर्द (२), साकोरेमळा-शिंगवे (१), शेवाळवाडी-लांडेवाडी चिंचोडी (१), भागडी (२), मोरडेवाडी (२), कोकणेवाडी-बोरघर (२), आंबेदरा (१), फंडवस्ती-रांजणगाव गणपती (२).

शाळा देखभाल- दुरुस्ती व कंसात खर्च (रुपये) :
आंबेगाव तालुका : साखरशाळा-पारगाव (१५ लाख), गंगापूर खुर्द (नऊ लाख), पांढरी-खडकी (सहा लाख), पिंगळवाडी-नारोडी (सात लाख), नंदकरवाडी-फुलवडे (पाच लाख), भावडी (१२ लाख), पोखरी (नऊ लाख ५० हजार), कारेगाव (आठ लाख ५० हजार ), पोखरकरवाडी (सहा लाख), ठाकरवाडी-शिनोली (सात लाख), जांभळेवाडी-चास (सात लाख), पारगाव तर्फे खेड (नऊ लाख २५ हजार), शिंगाडवाडी-गोहे बुद्रूक (सहा लाख), नानवडे (सहा लाख), तळेकरवाडी-साल (१५ लाख), मंचर क्रमांक एक (आठ लाख), पालखेवाडी-राजपूर (सहा लाख), ठाकरवाडी-चास (सात लाख), बाभुळवाडी-साल (आठ लाख), कुंभेवाडी-आसाणे (सात लाख).

शिरूर तालुका :
वागदरेवस्ती-कवठे येमाई (सात लाख), हिवरे कुंभार (नऊ लाख), पिंपरखेड (सात लाख), सुक्रेवाडी-केंदूर (पाच लाख).
एकूण खर्च : एक कोटी ९३ लाख रुपये.