मंचर, ता. २६ : आंबेगाव तालुक्यातील निघोटवाडी येथील जय हनुमान मित्र मंडळाचा ‘निघोटवाडीचा राजा’ हा तब्बल १८ फूट उंचीचा गणपती मंगळवारी (ता. २६) मंचर शहरात मोठ्या जल्लोषात दाखल झाला.
अग्रभागी गणेशभक्त, भजन मंडळ, ढोल-ताशा पथकांचा गजर तर ‘मोरया’च्या जयघोषाने संपूर्ण परिसर दुमदुमून गेला होता. उत्तर पुणे जिल्ह्यातील सर्वाधिक उंचीची ही मूर्ती पाहण्यासाठी शहरात नागरिकांची मोठी गर्दी झाली. लक्ष्मी रस्ता- छत्रपती शिवाजी महाराज चौक असा मिरवणुकीचा मार्ग होता. गणेश मूर्तीभोवती केलेली विद्युत रोषणाई लक्षवेधक ठरली. श्रद्धावान नागरिकांनी मोठ्या भक्तिभावाने गणरायाचे दर्शन घेतले.
GHO25B04195