मंचर, ता. ३ : आंबेगाव तालुक्यातील अवसरी खुर्द व ग्रामपंचायतीच्या कार्यक्षेत्रातील वायाळमळा येथे अमोल महादेव वायाळ यांचे वस्ती शेजारी लावलेल्या पिंजऱ्यामध्ये नर जातीचा बिबट्या (वय १) बुधवारी (ता.३) पहाटे जेरबंद झाला आहे. ‘‘गेल्या १५ दिवसांपासून या भागात बिबट्यांनी दहशत निर्माण केली होती. नागरिक भयभीत झाले होते. वनखात्याने पिंजरा लावला. शेतकरी गुलाब इनामदार, नवाब इनामदार, बाळासाहेब गावडे, अनिल गावडे, रज्जाक पठाण यांनी बिबट्याला पकडण्यासाठी सहकार्य केले,’’ अशी माहिती मंचर वनपरिक्षेत्र अधिकारी विकास भोसले व वनरक्षक सी. एस. शिवशरण यांनी दिली. वनरक्षक एस. के. ढोले व बिबट शीघ्र कृतिदल बेस कॅम्प गावडेवाडी यांनी या भागात जनजागृती सुरू केली आहे. ‘‘अजून या भागात बिबट्याचा वावर आहे.बिबट्यांचा उपद्रव रोखण्यासाठी वन खात्याने या भागात अजून पिंजरे लावावेत’’ अशी मागणी गणेश सूर्यकांत वायाळ, वैभव पोपट वायाळ यांनी केली आहे.

4705