मंचर, ता. १० : नागपूर विधिमंडळ अधिवेशनात सन २०२५-२६ पूरक मागण्याअंतर्गत आंबेगाव- शिरूर विधानसभा मतदारसंघात सात विविध विकासकामांसाठी ४९ कोटी ८९ लाख ६७ हजार रुपये निधी मंजूर झाला आहे, अशी माहिती माजी सहकारमंत्री दिलीप वळसे पाटील यांनी दिली.
विकास कामाचे नाव व मंजूर निधी- चालू कामे- शासकीय आदिवासी आश्रम शाळेचे आदर्श शाळेत रूपांतर करणे- गोहे (ता. आंबेगाव)- ७० लाख ६१ हजार रुपये, तेरुंगण (ता. आंबेगाव)- ६५ लाख ७६ हजार रुपये, आहुपे (ता. आंबेगाव)- ६९ लाख ३० हजार रुपये. तांबडेमळा- मंचर(ता. आंबेगाव) येथे २०० खाटांचे सामान्य रुग्णालय- ४४ कोटी रुपये. नवीन काम- ग्रामीण रुग्णालय मलठण (ता. शिरूर) येथे फर्निचर, संरक्षण भिंत व विद्युतीकरण काम- २ कोटी रुपये, ग्रामीण रुग्णालय पाबळ (ता. शिरूर) येथे फर्निचर काम- १ कोटी २३ लाख रुपये, अवसरी खुर्द (ता. आंबेगाव) येथील शासकीय तंत्रनिकेतन इमारतीची दुरुस्ती व सुरक्षा भिंतीची उंची वाढविणे- ६१ लाख रुपये.