उपमुख्यमंत्री अजित पवार हे केवळ राजकीय नेतृत्व नव्हते, तर धडाडी, निर्णयक्षमता आणि महाराष्ट्राच्या हितासाठी अखंड झटणारा एक जिवंत विचार होते. कठोर वाटणाऱ्या बाह्य व्यक्तिमत्त्वामागे संवेदनशील मन आणि सहकाऱ्यांवरील अपार विश्वास दडलेला होता. संकटाच्या क्षणी खंबीरपणे उभे राहणे, विकासासाठी धाडसी निर्णय घेणे आणि सामान्य माणसाच्या प्रश्नांना प्राधान्य देणे, हे त्यांच्या नेतृत्वाचे वैशिष्ट्य होते. त्यांच्या कार्यकाळाने महाराष्ट्राच्या राजकारणाला दिशा दिली. दादा स्पष्ट वक्ते व विश्वासाचे प्रतीक होते. अजितदादांचे जाणे ही महाराष्ट्रासाठी न भरून निघणारी हानी आहे.
- दिलीप वळसे पाटील, माजी गृह मंत्री