मंचर, ता. २८ : तांबडेमळा (ता. आंबेगाव) ग्रामपंचायतीच्या उपसरपंचपदी राजू कुंडलिक तांबडे यांची बहुमताने निवड करण्यात आली. माजी उपसरपंच मयूर भोर यांनी राजीनामा दिल्याने हे पद रिक्त झाले होते. उपसरपंच पदासाठी सरपंच प्राजक्ता तांबडे यांच्या अध्यक्षतेखाली निवडणूक प्रक्रिया पार पडली. या निवडणुकीत राजू तांबडे आणि निकिता तांबडे यांनी उमेदवारी अर्ज दाखल केले होते. मतदान प्रक्रियेत राजू तांबडे यांना सात मते मिळाली, तर निकिता तांबडे यांना एक मत मिळाले. त्यामुळे राजू तांबडे यांची बहुमताने निवड झाली. ग्रामविकास अधिकारी विशाल ढसाळ यांनी निवडणूक अधिकारी म्हणून पाहिले. निवडीनंतर तांबडे यांचा ग्रामस्थांच्या वतीने सत्कार करण्यात आला.

15722