माळेगाव, ता. २ ः शारदानगर (ता. बारामती) येथील शारदाबाई पवार विद्यानिकेतन, माध्यमिक विद्यालयात दरवर्षीप्रमाणे डॉ. दि. गो. तथा अप्पासाहेब पवार स्मृतिप्रीत्यर्थ तालुकास्तरीय वक्तृत्व स्पर्धेचे आयोजन केले आहे. ही स्पर्धा शुक्रवारी (ता. ९) होणार आहे. ही स्पर्धा लहान व मोठ्या अशा दोन गटांत घेण्यात येणार आहे. लहान गटासाठी (इयत्ता ५वी ते ७वी) ‘आधुनिक तंत्रज्ञान शेतीला वरदान’, ‘मला पडलेले उद्याचे सुंदर स्वप्न’, ‘मुलं विसरत चालले संस्कार!’, ‘वृक्षवल्ली आम्हा सोयरे’ हे विषय देण्यात आले आहेत. मोठ्या गटासाठी (इयत्ता ८वी ते १०वी) ‘आजची महिला सुरक्षित आहे का?’, ‘सर्वस्पर्शी डॉ. बाबासाहेब आंबेडकर’, ‘एआय तंत्रज्ञान शेतीला वरदान’, ‘वाचन- संस्कार मनाचा’ हे विषय दिले आहेत. स्पर्धेसंबंधी अधिक माहिती, तसेच प्रवेश निश्चितीसाठी संबंधित शाळांनी विद्यालय प्रशासनाशी संपर्क साधावा, असे आवाहन विद्यालयाचे प्राचार्य एस. एम. मुंढे यांनी केले आहे.