माले, ता. ३ : पुणे-कोलाड रस्‍त्‍यावर पळसे (ता.मुळशी) येथील वळणावर मोटार अनियंत्रित होऊन ओढ्यात कोसळल्‍याने एका युवकाचा मृत्यू झाला. तर इतर तिघे जखमी झाले आहेत. सोमवारी (ता. २) रात्री आठच्या सुमारास हा अपघात झाला.
सुधीर बाळकृष्‍ण जाधव (वय ३२, रा. चिंचवड, पुणे) असे या अपघात मृत्यू झालेल्याचे नाव आहे. पोलिसांनी दिलेल्‍या माहितीनुसार सुधीर व त्‍याचे इतर चार मित्र कोकणात फिरण्‍यासाठी मोटारीने चिंचवड येथून निघाले होते. रात्री आठच्या सुमारास पळसे धबधब्‍याच्‍या जवळील वळणावर मोटार अनियंत्रित झाली व ओढ्यात कोसळली. यात सुधीरला जास्‍त मार लागला होता. त्‍याला व इतरांना उपचारासाठी पौड येथील ग्रामीण रुग्‍णालयात नेले असता डॉक्‍टरांनी सुधीर याला उपचारापूर्वीच मृत घोषित केले. तर इतर तिघांना पुढील उपचारांसाठी पुण्यातील ससून रुग्‍णालयात पाठवण्‍यात आले. पौड पोलिस पुढील तपास करीत आहेत.