मांजरी खुर्द, ता. ८ : हवेली तालुका शिक्षक लोकशाही आघाडीच्या अध्यक्षपदी तुकाराम डोंगरे, उपाध्यक्षपदी चेतन उशिरे तर सचिवपदी सतीश केंकार यांची निवड झाली आहे. के. के. घुले विद्यालयाच्या सभागृहामध्ये हवेली तालुका शिक्षक लोकशाही आघाडी माध्यमिक शिक्षक संघ व महिला शिक्षक आघाडी कार्यकारिणी निवड सभा झाली. त्यावेळी या निवडी करण्यात आल्या.
हवेली तालुका माध्यमिक शिक्षण संघटनेच्या अध्यक्षपदी दिलीप थोपटे तर शिक्षक संघटनेच्या सचिवपदी भाऊसाहेब महाडीक यांचीही यावेळी बिनविरोध निवड झाली. जिल्हा शिक्षक लोकशाही आघाडीचे कार्याध्यक्ष तानाजी झेंडे, पुणे जिल्हा माध्यमिक शिक्षक संघाचे अध्यक्ष राम प्रभू पेटकर यांनी निवडणूक अधिकारी म्हणून काम पाहिले. पुणे जिल्हा माध्यमिक शिक्षक संघाचे उपाध्यक्ष अशोक नाळे यांच्या अध्यक्षतेखाली हवेली तालुका माध्यमिक शिक्षक संघाची कार्यकारिणी निवडण्यात आली.

हवेली तालुका माध्यमिक शिक्षक संघटनेच्या अध्यक्षपदी पुरोगामी माध्यमिक विद्यालय नायगाव येथील शिक्षक दिलीप थोपटे, हवेली तालुका माध्यमिक शिक्षक संघटनेच्या सचिवपदी एंजल हायस्कूल ज्युनिअर कॉलेजचे क्रीडा विभाग प्रमुख भाऊसाहेब महाडीक यांचे तर संत यादव माध्यमिक विद्यालय शिंदवणे येथील सहशिक्षक रमेश विचारे यांची कार्याध्यक्षपदी निवड झाली आहे.
हवेली तालुका महिला शिक्षक संघाच्या अध्यक्षपदी सुनीता राऊत, सचिवपदी वंदना चौधरी उपाध्यक्षपदी कल्पना जाधव - भिंगारदिवे, खजिनदार ऊर्मिला चव्हाण, कार्याध्यक्षपदी सविता ताकवले यांची तर, सहसचिवपदी प्राजक्ता निकम यांची निवड झाली. हवेली तालुका सेवानिवृत्त शिक्षक संघाचे अध्यक्षपदी मधुकर खरात, सचिवपदी दिलीप नेवसे, कार्याध्यक्षपदी महादेव पाटील यांची निवड झाली आहे. शरद चौधरी व पांडुरंग पवार यांनी संयोजन केले.